(شبكة ومنتديات الشميلات الرسمية) - مراسلة بين رعد الجذيان والشاعر هزاع الساري

- شعراء قبيلة الشميلات (http://alshemailat.com/vb/forumdisplay.php?f=42)

- - مراسلة بين رعد الجذيان والشاعر هزاع الساري (http://alshemailat.com/vb/showthread.php?t=3319)

مراسلة بين رعد الجذيان والشاعر هزاع الساري

بسم الله والحمد لله ولا إله إلا الله

اخواني هذا مراسلة جرت بيني وبين اخوي الشاعر هزاع الساري وحبيت انقلها لكم كما ارسلها لي على البريد الاكتروني مع قليل من التنسيق

الصوت

(رعد الجذيان)

هزاع.... قلي وين رجلك تسوقك ........ اذا وقفت بموقفي بين دربين

يمين درب القلب هو درب شوقك ........ ويسار درب العقل يسعى لبعدين

واذا بشوف الشوق تشجر عروقك ....... واذا حياتك كلها فقر مع دين

واذا قصوره ... ماتقارن بروقك ........واذا المسافه بينكم فوق الفين

واذا صدى هالقلب يرويه موقك ......... واذا ردى هالوضع متأزم وشين

واذا بذكر الشوق تلكم حروقك ....... واذا بذكر الحال يطعنك سكين

واذا قلبك عق يكفيك عوقك ........ واذا عقيلك طار من شقوة سنين

هذا سؤالي ليل يتنى شروقك ........ بعد الضلام الشمس من ردك تبين

الصدى

(هزاع الساري)

بك البقا يا مبدع ٍ في طروقك ........ اهلين مني يا بعدهم وسهلين

شاعر جميل ومرتفع حيل ذوقك .........هيضتني وذكرتني بـمنبع الزين

يارعد هلت مع سحابك بروقك ......... وهلت قوافي ما اتقدر بتثمين..

محتار بالدنيا ووقتك يبوقك ......... (يا شينها لاصرت بين اختيارين )

لو ضاع حقي احتفظ في حقوقك......... وانا المسافر بس مدري على وين ..

اتبع سراب وحالتي ما تروقك ........ ( راحت ) ولا املك لا رقم لا عناوين !!

ركز بعلمك والقدر هو يسوقك ......... والحب يا ابن الناس ذل المحبين

تم الجواب وخالق الكون فوقك .......... اطلب من الخالق ترى العبد مسكين

مع شكري للشاعر هزاع الساري وشكري لكم على القراءه