|
ديوان الشاعر خلف المشعان
((((((((هذا جزايه 0000))))) ياخالد الشتفان .. قلي وش الراي = ماغيرك لياحترت .. دورت رايه رايك سراجي .. في دهاليز ظلماي= قبل الشعر يبحث خفاك .. وخفايه كنت اول اللي يقتنص لي خطاياي =بس آخر اللي .. يفرحون بخطايه ياكثر ماشكي لك .. وتسمع لشكواي= وياكثر ماشقيتك ، بسبة شقايه قلبك على قلبي .. وممشاك ممشاي= كم لي بقلبك ماتزحزح .. غلايه بالرغم .. من كثر الرفاقه بدنياي = إلا أنك اصدق ، من يلبي .. ندايه يامحزمي بالوقت الاقشر ويمناي = ياعز من يدفع.. رضاه لرضايه ماجيت أغني لك لجل تسمع غناي = ولاجيت أبرهن بالقصايد .. وفايه جيتك لأنك عارف أقصاي ، وادناي= وابخص من عيوني بشوف اخويايه تعبت ياخالد .. وجيتك من اقصاي = تايه .. ولاني عن نصايحك .. تايه مرات أحس القاع .. تضحك على اخطاي = ومرات احس اخطاي .. تضحك ورايه ماعدت اميز صف ربعي من اعداي = ياكم .. عدو .. كان أعز اصدقايه ماكان يحلم في حياته بلقياي = وأقصى طموحه يوم يمشي معايه واليالتقابي .. واكتشف طيب ملقاي :=. رقى على متني .. وهذا .. جزايه مافادني ظني وطيبة نواياي ..!!=صرت الوسيله .. بعد ماكنت غايه ياخالد الشتفان .. قلي وش الراي =ماغيرك الياحترت .. دورت رايه ((((((((يحليله .. دن حجيله 00))))))))) يحليله .. دن حجيله … / … دن حجيله .. يحليله = يحليله .. دن حجيله … / … مدري وشلون التالي قبل البدو تقصدها … / … وطرت علي الليله = ماعرف وش تاليها … / … لكنها ..... في بالي ( عارف ) هو اللي عارف ... / ... والا مطر ( بعديله ) =( يبو قظاظه بيضا ) ..../ ....ماعيبت شمالي هالحزن ماهو دايم .../ ... لو جاب لي كل حيله = ربك يبي يفرجها …/... لكن ....!! .. بونس حالي وازعج لهم بالحنده … / .. صكولها يجهيله =مال الزمن ( ياحصه ) .. / .. مامال غير عقالي كيد لهم .. بغني ... / ... ياناقض الجديله = والله لعمر سلم ../ ..وارقى ع الضلع العالي وارجع على موالي ... دن دن .. دن حجيله = باكر تشيب عيوني.. / . وأقولها .. لعيالي (((((إعتك اف المق برة !!))))) أول عشقتك آنسه ... واليوم ، آسف .. يامدام = نخلة غرامك أضمرت .... صعبه تعود مثمره صعب أتجاهل واقعي ،، وامشي معك درب ظلام = ماكل غيمه بالسما .... تبرق وترعد ممطره صعبه بعد ( حكم الزمن تستأنفي ذاك الغرام = من وين أبصنعلك ( غلا )واشواق قلبي مدبره مافي سجود الا ( السهو ) ياغافله بعد السلام = ومافي شبيه لرجعتك الا (( اعتكاف المقبره )) لاتزعجيني وازعجك .. جرحي على وجه التئام = وكسري جبر ،، لوهو خطا .. ماودي ارجع واكسره انسي معي ( ياآنسه ) عفوا انا قصدي مدام =شخص عيونه انعمت ... ماله ومال المنظره (((((((((((صدر الشمالي000))))))))) يقولون العرب صدر الشمالي .. مايضيق بساع = وانا اقول الصدور اليوم .. ماعادت شماليه بدت في داخلي ضيقه عجزت القالها مطلاع = تغيب . وترجع .. وترجع تغيب ... ومالها نيه عمتني كلمة جتني . وضقت .. وضاق صدر القاع = الا يالله لاتجزى غشيم .. قالها فيه لهو صفاع .. ياربي .. ولاهو للعرب نفاع =بلاني وابتلى حاله ... وبعض الناس مبليه نهيته قبل هالمره .. يخلي سيرتي .. ماطاع = الا يالعنبو جد القصيد .. ولعنبو بيه ضعيف النفس ( نسونجي ) يشوف بعينه الاطباع = يحسبني مثل ربعه .... يسوق بضاعته ليه انا اشري .. لابغيت اشري .. ولاني مساوم البياع = الى من قاللي ميه .. عطيته فوقها ميه انا اكتب .. لجل من يقرا .. ولارجي من يقول ابداع =وابد لاتحسبن مثلك يشكلي أهميه ترى ياهيه .. لامني نويتك .. بس اطق اصباع = يجيني الف شيطان ... وراهم الف جنيه أجرك من طرف حرفك .. وارد الصاع مية صاع = جنون القاف ... ارقصها ... على راسك .. هجائيه يويلك لو توليتك .. وربي .. مالك الشفاع = يجيك من القصيد .. احسب ...... 300 ،،، 300 ولكن .. خلك بحالك .. مادام ان الصدور وساع = ترى للحين ماضاقت ولسعها .. شماليه (((((خلك شمالي .. والعن الشيطان 000)))) يقول المرتكي : خلك شمالي .. والعن الشيطان =تركد وامسك اعصابك وهد ونوخ جنونك ويقول المرتهي بعض السوالف ياولد نقصان =تراك تغالط العالم ... ولاظنيت يتلونك ومدام الناس ماتدري وش اللي مضايق المشعان =ابنخى اللي ليامني نخيته .. قال : لعيونك ابنخى الحرف يترجل ويربط جعبة القيفان =يهز القاع لامنه ضربها وصاح ماخونك انا ياحرف ماخبرك تروغ بساحة الميدان =ابيك تزعزع قلوب الرجال وتظهر افنونك ابيك الناهر/ القاهر / ابيك تطهر الادران =ابيك الباهر / الظاهر/ لخلق الله يشوفونك ابيك الكافي / الوافي / ابيك الضافي / المليان =ابي لاعدو اهل الشعر .. بأولهم يعدونك ابيك تضحك ( الباكي ) وابيك تبكي ( الفرحان ) =ابي من لايهابونك .. يعرفون .. ويهابونك ابيك اتعلم الغافل / أو السافل / أو ايا كان =وابيك تحشم وجيه الرجال ومن يحبونك تفنن والعب بكيفك مادام ان عزوتك ويلان =الى من صارت ( الهيه ) يفزون و يعزونك اهل حكم وسيادتهم من اول لاخر الازمان =يحق الك الفخر فيهم وهم للموت من دونك يهيه .. افهم ترى مابي عليك اضحك العربان =وربي لو دخلت بكل ربعك مايفكونك عمت عينك عن الدرب ودخلت بساحتي حفيان =تحمل عاد ماجاك / ويجيك / وحسب ديونك ترى الي يشري بماله لحاله علته خسران =وانا والله وراي اللي يبيعونك / ويشرونك ترى بالما ( تماسيح ) و تحت هاك الشجر ( ديبان ) =نصحتك تفهم المعنى صحيح ولايغشونك هنا .. من لا نتهى مما نهوه اهل الهوى ينهان =هنا.. منهم يحشمونك تراهم مايحشمونك ترى ماعادني خبرك شمالي .. واسفه الغلطان =نسيت اطباع جداني وربعي .. بس لعيونك قسم باللي خلق سبع الاراضي وانزل القرآن … =لخلي كل من يجهل عقب هذي يعرفونك |
رد: ديوان الشاعر خلف المشعان
(((ماهي بشارة للعرب .. طيحة الثور ..!!))) ماهي بشاره .. لو زعل .. عارف سرور . شوفة عزيز .. ذل .. بيدين .. كافر : : معذور ابو طارق .. ولا هو .. بمعذور حنا العرب ... مبطي نعيش .. بتنافر : : مهما بلغ صدام .. من مبلغ الجور ياناس .. لاتنسون .. للذنب .. غافر : : صدام مسلم .. إيه مسلم .. ومكسور !!! وجه الفضيحه .. ياهل العرف سافر : : والله .. مايدرى على منهو .. الدور اللي وقع .. في حفرته .. كان حافر : : أكبر مصيبه .. للعرب طيحة الثور على الأقل ..ينطح .. ويقدر .. يعافر : : وماهي بشاره .. لو زعل .. عارف سرور شوفة عزيز .. ذل .. بيدين .. كافر { ( .. المواقف .. الرمضانية .. ) } الموقف الأول البارحه رحت .. اتقضى من .. السوق // .. هل رمضان ورحت اجيب المقاضي لقيت لي واحد .. من الربع مطفوق // .. اسمه اذا ماني بغلطان .. راضي سلم علي .. وصار يطلبني .. حقوق // .. تقول انا مذنب وهالأخ .. قاضي جلس يسمعني .. من الشعر .. طاروق // .. وانا ورايه شغل .. مانيب فاضي يقول هذا البيت : .. ماهو بمسروق : // .. يانوض قلبي نوض براق ناضي ؟ حاولت اجيه بذوق .. مافاد به .. ذوق // .. ولا فاد به .. تلميحتي واعتراضي قلت العفو !! ياخوك انا الحين مزنوق // .. والشعر كله .. صارلي فعل ماضي صدري على وجه الشهر صار به ضوق .. // .. رغم ان خلقي .. كان جدا رياضي الا انه اجبرني .. اخلي له .. السوق // .. جانا رمضان ولا شريت المقاضي الموقف الثاني : كم لي شهر.. ماشفت .. حامد .. وفرحان // .. ربع .. لياغاب الخوي .. يفقدونه رغم انهم .. ماهم .. بعيدين .. جيران // .. حامد ورى المسجد .. وفرحان دونه إلا ان هالدنيا .. خذت .. عقل الانسان . // .. ونابت أذانه .. عن مهمة عيونه أصبح فلان .. اليوم .. يسمع عن فلان // .. وكل سعى في هالحياة .. بشؤونه دنيا المشاغل .. فرقت .. بين الاخوان // .. يموت ابوهم .. والعزى .. مايجونه رحماك .. ياربي ونسألك .. الاحسان // .. نطلبك .. عن هول الزمان .. المعونه اليوم ( صدفه ) شفت حامد .. وفرحان // .. بالمسجد .. اللي توهم .. يدخلونه قبل رمضان .. تشوف به خمس شيبان // .. واليوم كل الحي .. صاروا يجونه الموقف الثالث : قبل الفطور بربع ساعه اتخبرون // .. كل .. ببيته .. للفطور .. يتولم وانا تورطت بهديفه ,, ومجنون // .. تصادموا .. والكل قام .. يتظلم هذا يقول أنت آعمى مالك عيون // .. وهذاك .. من هول الفجيعه تبلم قدام بيتي .. قلت يالربع تدرون // .. تفضلوا بعد الفطور .. نتكلم عيا الهديفه قلت له : طيب شلون // .. نبقى هنا ؟؟ قال ايه ، قلت اتحلم لو ننتظر لين الحكومة يمرون // .. كد للإمام من التراويح .. سلم قلت اسمعوا .. وش رايكم لو تطسون // .. مدري متى .. شعب الخليج يتعلم الموقف الرابع محد بهالعالم من الذنب معصوم // .. نسألك .. يارب العباد .. السلامه بعض البشر بوزه على الصبح ملموم // .. نفسه بخشمه .. لا اقعدوه .. لدوامه تلقى فرامل خلقه الصبح معدوم .. // .. وعاجز لسانه .. لا يربط .. حزامه وبعض البشر لا نام ماوده يقوم // .. يقضي عبادات .. الصيام بمنامه ..!! يجمع صلاته يوم يقعد من النوم // .. ويطلب لقا ربه .. بيوم القيامه ..!! لاصار صومه نوم .. وشوله يصوم . // .. ربه .. ترى ماهو .. بحاجة صيامه وبعض البشر عن ماذكرناه محشوم // .. يتعب على صوم رمضان .. وقيامه الموقف الخامس السالفه .. ماهي بحاجة .. لتصعيد // .. موقفك .. جاهز .. منتهي .. ما يبيله لاتجيب فينا العيد .. بدري على العيد . // .. .. قدامنا .. سته وعشرين .... ليله ..!! ياصاحبي سرعتك كل مالها .. اتزيد // .. خفف .. ترى كل .. تحراه .. عيله كانك تدور صيد .. ماعاد به صيد ..!! // .. فرطت .. في شهر فضيل .. بفضيله ..!! من قالك ؟؟ تسهر .. وتعطي .. مواعيد ؟؟ // .. حتى لو انك .. مانت راعي .. طويله والله لو بيدنا .. عطيناك .. تم ديد .. // .. لكنه .. اذن .. مالنا فيه .. حي له بس ه د .. تكفى .. لا تحضر بنا العيد // .. .. قدامنا .. سته وعشرين .... ليله .. !! الموقف السادس ................... الموقف السابع : الموقف .. السابع .. عن انسان مسكين // .. ربى يتيم .. وكان .. رابع خواته أبوه مات .. وماترك .. لامهم .. شين ..!! // .. ماغير .. رحمة ربهم .. في وصاته عاشوا على .. شغل امهم .. بالفساتين // .. وياحسين ود الثوب .. ياحسين هاته باول حياته .. جرب الشين .. والشين ..!! // .. هو فيه .. زين يجربه .. في حياته !! ان راح يلعب .. عيروه الوراعين ..!! // .. واذا .. رجع للبيت .. مو .. من .. حلاته يسمع كلام امه .. عن الفقر والدين ..!! // .. ويضيق فيه الكون .. باربع .. جهاته يعني بنت مستقبله .. دمعة .. العين ...!! // .. ماعاد .. تفرق .. عن حياته .. مماته .. !! كبر .. وصار .. اكبر حرامي .. دكاكين ..!! // .. يسمع .. بفقر الذيب .. والا .. غناته ....!! لين اكفشوه .. وصارله .. أربع سنين .....!! // .. يدعي ... لرب البيت .. بآخر .. صلاته : يارب .. تشملني .. (( بعفو .. المساجين .. .. )) .. وتفرج عن اللي .. يرتجنه .. خواته ..!! الموقف الثامن : في ليلة الثامن .. بدينا بالاهمال ....... // .. وصار الشهر .. عند الكثيرين عادي مدري !! بدينا ننتظر شهر شوال ......!! // .. والا شهر شوال بالفعل بادي .. ؟؟ يعني بدال نصير نخلص بالاعمال ........!! .. نزداد عن رب العباد .. ابتعادي ..؟؟ عن التراويح .. نتعذر .. بالاشغال .......!! // .. واشغالنا مابين ... سوق ونوادي غزل .. اتمشي .. مشترى .. كذب .. تفصال . // .. حراء طبعا غير .. سوق البوادي غزل .. ( على ودنه ) .. وترقيم .. واهبال // .. ومحاضرة .. للشيخ .. جوهر .. عبادي استغفر الله .. وأسأله .. يرحم الحال // .. صرنا بوادي .. والعباده .. بوادي ..!! الموقف التاسع : دايم .. الياقالوا : (( شباب .. وعلى الدين )) ..!! // .. أسكت .. على بالي .. فهمت العباره ..!! أدري بها .. زينه .. !! .. ومفهومها .. زين .....!! // .. واكيد .. واضح .. مايبيله .. شطاره .. !! ( واحد رقم )..( زايد ) .. ( رقم واحد ).... ( اثنين ) // .. لكن .. مهو كل .. الكلام .. استعاره .. !! يعني .. مثل : لا قلت لك .../ ... صل .. هالحين ..!! // .. هي نفسها .. لا قلت : .. ولع زقاره .. ؟؟ وش دخل .. اهل الدين .. ب ( محمد .............. ) // .. اللي .. فقع .. في .. كبد ابوه .. المراره !! عزب هتيم .. ( ........................................ ) // .. لا دك .. في غزوه .. ولا فك .. غاره ...!! مافيه شي .. اسمه / .. شباب .. على .. الدين ..!! // .. إلا .. شباب .. يستحق .. .. العباره ..!! شفهم .. !! .. الي ذ ن .. ينقلون .. الكراتين // .. ويفطرون .. الناس .. عند .. الإشاره ..!! الموقف العاشر : ثلث .. الشهر .. عدى .. وعدت .. لياليه // .. مسكين .. يامن في معاصيه .. لاهي كل م الشهر .. ينقص .. يزيدن .. معاصيه .. ويزداد .. مع زود المعاصي .. تباهي من لا هداه الله .. وسمح .. خطاويه ....!! // .. مايردعه .. عن منكر الفعل .. ناهي ليل الشهر .. بين البرامج .. يقضيه ...!! // .. متحطم .. ( بهيفا ) .. ومعجب ( بزاهي ) محتار .. مايدري وش اللي .. ينقيه ..!! // .. مثل .. اليتيم .. اليادخل .. بالملاهي من مهزلة طاش .. لسخافة .. دق د يه // .. لقريقعان .. وغانيات .. المقاهي ...!! صارت .. تردد بينهم .. كلمة أ و مبيه // .. يالله تحفظ .. عقولنا .. مثل ماهي ..!! كن الشهر .. موسم .. برامج .. وترفيه ..!! // .. من فاهية وجه .. إلى وجه .. فاهي ويالله .. تثبتنا .. فباقي .. // .. لياليه ..!! // .. وتذكر اللي .. عن عبادتك .. ساهي الموقف 11 : ايوالله .. اذكر طلته .. ياحليله ..!! // .. كان الشهر .. مع طلته .. متخاوي يطلع على وقت اجتماع العيله ..!! // .. يروي لنا .. والله .... ونعم الراوي ..!! لا من طلع برنامجه .. نصغيله ..!! // .. شيخ عن امراض القلوب يداوي !! اذكر بنان الياحكى ,, تطريله ..!! // .. واذكر .. بعد في وقتها .. شي ساوي ينسى .. يحسب غتيرته .. منديله ..!! // .. يمسح بها دمع العيون .. الهاوي اذكر .. كثير .. وجيتكم .. داعيله ..!! الله يرحم .. شيخنا .. الطنطاوي .. !! الموقف 12 : خلو ملاك تصلي .. لا تحرموها الجنه ..!! ياويلكم .. من ربي .. ياهل الحسد .. خلوها .. حتى الصلاة لربي .. صارت بعد .. بالمنه // .. مو زين يطلع منها ؟؟ .. بعض العرب نسيوها تحجبت .. من بدري .. تبي مع اهل السنه // .. تلحق صلاة المسجد .. واخوانها .. ردوها وهي عادة .. لا قالت : تنه .. ف يعني .. تنه // .. لامن .. بغتهم .. شغله .. تسابقوا .. جابوها البارحه .. مانامت .. وبعذرها .. منجنه ......!! // .. عيو عليها تصلي .. جت تشتكي .. ل بوها يبه .. يبه .. !! وش علمك ..؟؟ يبا .. احسدوني .. الجنه .. .. منهم .. ؟؟ هذولا شفهم .. وجع .. وجع .. خلوها ودو ملاك المسجد .. لا تحرموها منه ..!! ياويلكم .. من ربي .. ياهل الحسد .. ودوها .. الموقف 13 : ماكنت ابكشف عن خفا عارف سرور لكن هو اللي .. قام .. يبحث خفايه يعني على كشف الورق صرت مجبور وهذا جزى اللي .. .. لف ذيله معايه على الفطور البارحه .. جاني .. الدور وبلغت ابو طارق .. وكل .. خويايه سلطان يشهد .. ماحصل مني قصور والحر .. كزه .. مايبيله .. وصايه انا اشهد انه ماهو بشاهد زور افطر معاي .. وشاف كل .. الحكايه ..!! ماحد حظر غيره .. وسلطان مخبور .. اما يجي .. أو يعتذر .. بالبدايه .. !! بس البلا اللي .. داخل البيت .. محصور ان مسمحت له .. عاد ماهو خطايه الموقف 14 : الناس .. من تصبح .. يقولون .. يارب .. . // .. يارب .. تصلح حالنا .. واتهدينا وانا اصطبحت ولا طرالي .. أبد .. سب // .. الين شفت اليوم .. بنت اللذينا قدام خلق الله تشرب .. ( سفن أب ) ..!! // .. يدري بها الله .. عاد .. لو مادرينا ما حقها تشتيم .. ذي حقها .. د ب // .. حرام .. هالأشكال .. منا .. وفينا هذي هي .. اللي بالشهر مالها .. طب .. يالله .. انا طالبك .. لا تبتلينا |
رد: ديوان الشاعر خلف المشعان
الموقف 15 خمسة عشر موقف .. كتبت بشظايا // .. أولهن .. أول يوم .. وأتلاهن اليوم من منطلق والهام .. حسن .. النوايا // .. ماهمني .. شهره .. ولا همني .. لوم كتبتها .. والله عليم .. بخف ايا // .. ماني بها .. مجبر .. ولاني .. بملزوم غير انها .. لله .. رب البرايا .. / .. مواقف .. يشهد بها .. أصغر القوم كتبتها .. من باب .. طيب السجايا يالله تقبلها .. وتقبل لنا الصوم |
رد: ديوان الشاعر خلف المشعان
ناس/ن ذليله إن كنت تنشد يالمسيكي .. عن الحال مالي على .. كتمانها عنك .. حيله الصبر عن بوح الاحاسيس .. قتال والبوح في بعض المواقف ، فشيله لو كل مايطري على البال ينقال ماكان شفت ان الثقيله .... ثقيله ابطيت اكافح ضيقة البال بالبال . وادفع بلا .. هاجوسها كل .. ليله لين اقبلت مثل .. السحابه بهمال تشفي غليل اللي .. تزايد غليله طاحت ، ولاوفق من حناياك منزال وابطلبك .. يابدر ( تكمى ) المخيله ان قيل ترعد .. قلهم : صوت زلزال وان قيل تبرق .. شف لها ادناة حيله مابي .. تناقلها هل القيل والقال .. وتصير من بعد القصيره .. طويله يابدر .. ماني عال .. لو صحتي عال .. شفني من الصدمات نفسي عليله اشيل حمل .. لو يشيلنه .. جبال .. الله ، وامانه .. غير تصبح نثيله أرمي .. من هموم الزمن .. واسحب أدبال وانزل عن ( الجوكر ) وغيري يشيله من كثر ماشفت بحياتي من انذال ....!! .. بديت اشك ان النذاله ... فضيله ماطاح من عيني رجل ..!! طاحوا .. رجال ورجال ( يابن حنيف ) ماهي قليله اقرب من اللي قالهم ضمن ماقال .. : راكان بن حثلين .. راعي الجزيله ( هذا .. ولد عم ، وهذا .. ولد خال وهذا .. رفيق مالقينا .. بديله ) سبحان منهو يابد غير الحال ..!! . .. وحط الجفا بين الخليل .. وخليله هذا الزمن يبغاله .. لسان دلال .. ! من يستحي هالوقت .. واعزتي له وقت به ( الراعي ) غدى .. راعي دلال كل على طاريه .. ينفض شليله ..!! ومن كان ساسه للردى مضرب امثال اليوم .. يحسب من كبار القبيله ..!! المال .. يابن حنيف ملعون .. ابو المال // .. ذل العزيز .. وعز .. ناس ذليله ...!! |
رد: ديوان الشاعر خلف المشعان
يازول ابو يه ;يازول ابو يه .. شفتها من هالايام وعز الله اني قلت ماهي .. خليه وحق الله اني قلتها من اول شمام تبت يدا عارف .... وتبت يديه لومالظروف اركت علينا بالاحكام ماكان ثارت بندق اللوم فيه محشوم عن فعل الردى يابن الاكرام أردى فعولك يوم تذبح .. شليه مابك ردى حيشاك ... ياطير غنام .. صيدك سمين ولا تصيد ... الرديه رمت المراجل من صغر سنك ريام حاشا قدم رجلك .. تدوس الخطيه بك نخوة عتيبه وفزعة بني يام وبك من طنا شمر وطيب السميه وايل من ورى دور الاسلام ماخاب منهو عزوته ، وايليه ربعي لياصار اللقا .. درع وحزام للضيف ريف وللمعادين .. سيه يالدهمشي .. ماهي تماثيل وافلام طيبك فخر مابين الاجناب ليه عزالله اني .. قلتها من اول شمام اردى فعولك يوم تذبح .. شليه |
رد: ديوان الشاعر خلف المشعان
بدر الشمال.. راق لي طرحك الرائع يامنبع الابداع رويتنا مما ننظر اليه جزيل الشكر لك ولقلمك المبهر وتاكد بانني دائمابانتظار جديدك لك ودي واحترامي.. |
رد: ديوان الشاعر خلف المشعان
ياآوادم .. مايقارن مع .. طلال ..!! كل مقال .. له مقام ../ .. وكل مقام .. له مقال والمقال اللي قريته .. شيئ ماهو .. منطقي : : كنت باسوأ حال.. لكن ..!! صرت أكثر سوء حال من قريت العلم الاقشر .. مات حبري .. بورقي : : من نثر دمع الطنايا .. من حرق .. دم الخوال عبرة الحزن المؤكد .. لو سمحتي .. انطقي : : موت ذكرى .. ياآوادم .. مايقارن مع .. طلال وش يجيب .. الدمبكيه .. جنب .. رجال تقي : : وش يجيب اردى العذارى لا طلق وجيه الرجال .. بعدها مليون يطلع .. مير بعده .. وش بقي : : موتها واستغفر الله عن بعض كلمه .. حلال الحرام يموت فارس .. موت .. ماهو .. منطقي |
رد: ديوان الشاعر خلف المشعان
ياخف .. جرحك ..!! الشعر .. بوح .. وهاجسي .. يكره البوح وشلون .. يلقى .. كاره البوح .. راحه ؟؟ الطعنه .. اللي .. حاولت .. تاخذ الروح ...... ماخلت .. بصدر .. الشمالي .. مساحه .!! ياضيقة .. صارت معي وين .. ماروح ....... بعض الصراحه .. منك ... توجع .. صراحه لكن حبيبك ماتعود .. على .. النوح ..... ياخف جرحك .. بين .. باقي .. جراحه بعض الجروح نحبها ... لوهي جروح ...... يسعد مسا جرحك ... ويسعد صباحه مسموح لو توجع .. خطاياك مسموح حكم الخطايا .. منك .. فيني .. مباحه حتى .. ولو قلبي .. بيديك .. مذبوح .... يضحك .. وكنه .. جالس .. باستراحه ويسهر الخلق جراها ويختصم ..!! ماودي أسأل .. ليش تبكي .. قصايدك ..... ماهو جديد .. ان كان هذا .. جديدك / \ ياما بكى شعرك .. وهذي .. عوايدك ...... الحزن .. دايم .. ما يفارق .. قصيدك / \ كلن خذلك .. وناقصن فيه .. زايدك ........ انت المراجل .. عن بعضهم .. تزيدك / \ ياللي المعاني .. جوهرة في قلايدك ........... قم .. قلد القيفان .. جوهر .. فريدك / \ الناس تسهر .. تختصم في شرايدك واينام جفنك .. ما سأل عن .. شريدك / \ عيد الحزن .. ما بيه دايم .. يعايدك ...... من كل قلبي قلت : لا ع اد عيدك |
رد: ديوان الشاعر خلف المشعان
أوفى من قلوب .. البنات الأرامل ..!! صوت حزين : تعاملي احسن تعامل / قلبي اوفى قلب / نواياي اصدق نوايا / شعوري انبل شعور / وان كان غلطت او قسيت عليك / انت السبب لانك تستحق : : : صداه : اما أنا .. ماشوف حسن بتعاملك ........./ .. عمر الجفا ماكان أحسن تعامل ...!! / \ قلبك وفي .. فعلا ولاني مجاملك .... / .. أوفى من قلوب البنات الأرامل ...!! / \ اما النوايا .. صادقه في تحاملك ...../ .. عاقر خطايه من تجنيك حامل ... !! / \ هذا الشعور .. اللي كتبته باناملك ../ .. أنبل شعور اقدر أسميه خامل ..!! / \ أما الغلط .. هذا هو اللي مزاملك ...../ .. لولا الغلط .. ياسيدي كنت كامل .!! / \ انا السبب .. في مملكة مابها ملك ../ .. لن الملك ماهو على الحب صامل \ / ايه استحق .. اللي ذكرت بتعاملك ... / .. دام الجفا .. مقياس حسن التعامل ..!! |
رد: ديوان الشاعر خلف المشعان
المعرضة : بين القوايم .. والاطراف ..!! بقول يامانع واذا قلتها حاف =....... هذا لأنك .. يعلم الله غالي : : لومالقلوب نظاف .. وعقولنا نظاف =....... ماكان صدرك يالشمالي .. شمالي : : ناظر قدم عينك .. ولا تنظر خلاف =......... لاتعتجل يالذيب مثل اعتجالي : : لو صرح حبيب بحبه لصياف =....... ماكان يحلا لعبهم .. ياحلالي : : والمعرضه بين القوايم والاطراف =.... صعب التواضع في حضور التعالي : : ماهي بطعنة كتف واردها ارعاف =....... هرج وراي .. وكلمتين اقبالي : : ماخفت غير يقال : يمكن خلف خاف=........ وانا من اللي حاميين التوالي : : مالي هدف لو قيل حققت الاهداف =........... جيتك على نية ومن طيب فالي : : اجمع غلا ( ساير ) وحبي ( لنواف ) =...... لجل تعرف .. ( ياوال ) ؟ وش كثر .. غالي ؟؟ { هلو .. سه ..!! } تسأليني من أنا ؟ مدري انا منهو أكون !! =....... تعقدت هالمسأله ،، وازريت الاقي حلها جايز تقولي : ( هلوسه ) والا تسميها جنون !! =.... أو تعجبي !! لو قلتلك : نخله تشح بظلها أعمى . ويطلب منظره ! أخرس يبيهم يفهمون !! =.. واطرش ! حسبها اغنيه . يقول : مسمع علها سمرا ودايم تكتحل .! تبغى الحمايل يخطبون !! =..... شينه ، ولاينفعبها ، فيها القباحه كلها .. هذي حكاية قريتي ، رغم التعاسه يضحكون !! =جيل تبع جيل وبقى حبل السنين يتلها ولاتسأليني ليمتى ؟؟ تبقى اجاباتي ظنون !! =لاجيت احلحل عقدتي يصرخ زماني : خلها { نعم مغرور } . . . تقول: الله يالدنيا !! غدى شاعر ، وله جمهور =.... واقول : انتي قبل تطلع جماهيري تعرفيني أنا ماني مثل نايف ، ولاضيدان بن منصور =..... صحيح اني على قدي ، ولكنك تخبريني نسيتي يوم جبتيلي قصيده كلبوها كسور؟ =نسيتي قبل اخليها ( قصيده ) وشعطيتيني صدق من قال : هالدنيا تدور وتكشف المستور =.... ترى ماقلتها لحد ولكنك جبرتيني انا ماسعى ورى الشهره . ولكني ! خطفت النور =... كثير اللي عشق شعري مثل مانتي عشقتيني نعم مغرور ياهبله ! ( على مثلك ) نعم مغرور =....... واذا لك حاجة عندي خذيها لاتغثيني ومادامك تعرفين اني غديت الشاعر المشهور =... أجل لاتشرهين اني أعرفك . لو صدفتيني |
رد: ديوان الشاعر خلف المشعان
{ نعم .. مجنون } : : : أخاف انك === تخاف اني === ( أخاف ) من البشر ماجيك !! =وانا ( خايف ) عليك .. وحكيهم .. ماكان خافيني : : : إذا كان ( الكلام ) ............. اللي يقولونه ( علي )...... يرضيك ! = فنا مرضى ( عليك ) .. وكيف ؟ حكي فيك .. يرضيني : : : انا .. مقدر .. على فراقك ... ولاودي .. ( معاي ) ابليك .. =وانا ( بلياك ) ... من ربي .. كلام الناس .. باليني : : : أعرف انك === تعرف اني === ( أحبك ) .. مابها تشكيك .. =ولكنك .. ( بنفس الوقت ) تنس انك ( نظر عيني ) : : : انا .. مسمح .. بهالدنيا ( لأمك ) ... نفسها .. تأذيك .. = عشان .. أسمح .. لمن وده .. يفرق .. بينك وبيني : : : نعم .. مجنون .. مابيهم .. يقولوا : ( ربنا .. يشفيك ) = مادام .. ان حبك جنوني ... ( عسى الله لايشافيني ) : : : ولكني !!! .. ( ومع هذا ) .. ابقطع ,, جيتي ،، ماجيك ... = عشان .. ان قيل لك ... ( قاطع ) ... تعذر .. قول : يغليني من هيك عم يبكي الصبي ..!! أكذب عليك ان قلت لك : ياصاحبي مافي جديد =........... لا والله .. الا ضيقت كثر القصايد مكتبي : : تبغى فخر / والا حكم.......والا غزل .. يابو يزيد ..=... كل القصيد اللي تبي موجود قلي وشتبي ؟ : / : الأوله : قلت : ( عنزه ) ماهي بحاجة للقصيد=..... صبيها من غيرها .. يسوى 900 صبي : : قبيلة .. من مجدها .. حتى المؤرخ .. يستفيد =قل للبليد وذكره .. بأحداث فلم المصربي : : كل قوم قيل الا عنزه .. قوم أولي بأس .. شديد=..... صلوا على ذكر النبي / كافي لنا ذكر النبي : : الثانيه : قلت الزمن هذا .. زمن حرب الصعيد =......... أنا واخويه دون ابن عمي / وضد الاجنبي : : والجاهليه عودت .. يمكن .. ولكن الأكيد =...... اني ارتفعت .. ولا بتي حولي .. وهذا ملعبي : : من له رصيد من الأدب والذوق ما يبغى رصيد =..... والا الغبي مهما بلغ .. يبقى يبن عمي ، غبي : : الثالثه : قلت اتركي عنك أغنيه عبد المجيد =..... عندي لك أحلا منها .. ياغاليه بس .. اقربي : : تقول قربك ياخلف .. ماهو مثل قرب البليد =.. وتطلبني اقرب ياخلف ؟؟ .. أبك انت كلك مطلبي : : معذور احبك ياغلا .. واعطي غلا غيرك جحيد=واقول تأبرنى أنا.. من هيك .. عم يبكي الصبي |
رد: ديوان الشاعر خلف المشعان
{ موقف .. حيادي ..!! } : : سرقت بيت / وقلت / عادي .. ومشيت =.................. / وراحت قصيده كامله قلت عادي : : كرمال عينك ، يارفيقي تغاضيت ..!! =............ / فيما حصل .. وقفت موقف حيادي : : ماهي على فكرة قصيده وكم بيت ..!! =............ / بعيوني الصاحب على الروح بادي : : بديتك بحفل المشاعر .. وغنيت =.........../ وصوتك بوادي ، والمشاعر بوادي : : المشكله انك عن حدودك تماديت =............./ يبه .. حبيبي .. هيه .. وين انت غادي : : حتى لو اني عن جوادي تخليت ..!! =..... / لا تحسب انه .. ينعسف لك .. جوادي : : صابك عمى والا انكشفت وتعاميت =......./ هذا أسود واضح .. وهذا .. رمادي ...!! : : يعني .. تراني عاقل .. ماستخفيت ..! =...../ ماجبت لك ( رمزه ) و ( وشرعب ) و ( حادي ) : : لا قلت .. وين عيال ( جرجس ) وناديت =.... / جوني يشيلون المعاني ... / ... هوادي ..!! : : الراس هذا .. به قبيلة عفاريت ....!! =........ / جوعا لك الله .. يحترون الهدادي !! : : مير العن ابليسك ..مدامي تناسيت ..!! =/ آول جمادي .. مات .. بآخر جمادي ..!! |
رد: ديوان الشاعر خلف المشعان
(( المبخره )) مافي جديد الا انها .. صارت مثل حارة عبير المومس اللي تبترم .. عصم الشوارب حولها ماحولها الا بيها شايب ، ومشلول ، وضرير من قلة الوالي .. إذن .. تفعل كما يحلو لها قلت حياها .. وارخصت حسن وهبها الله مثير من ملعنتها لا مشت ( ترفع طرف مريولها ) من شافها يشهق نفس.. يرجع مع الزفره صفير ترمي الطيور من السما يوم اتخايل زولها مثل المها .. لكنها عكس المها .. ماتستذير كل من يسره طولها .. سهله .. عليه يطولها ماكنها الا مبخرة وسط المجالس تستدير استغفر الله عن خطا كلمة .. بغيت اقولها ..!! يبلغ عدد عشاقها جيش من المرضى غفير لفت عليهم كلهم .. ماقصروا .. غنولها من مصطفى فهمي إلى أن ( صلعت ) باحمد بدير حسبت نفسي بالحرم .. من كثر مالبو لها لبيه ياحلى ( غندره ) لبيه .. يالكم القصير احد فدى شرابها .. وأحد فدى .. لنعولها ول قبح الله من ردت نفسه على شروى (غبير) المومس اللي بينهم .. قامت تدن حجولها مافي جديد بغيبتي الا انها احسن واخير من جية تبحث خفا الصاحين قبل خبولها |
رد: ديوان الشاعر خلف المشعان
يامحمد ابن فطيس ماني بمن ياتي على شان يدرون انا الذي يدرون به قبل ياتي نجمي سطع من غير بيرق ومليون قليل في جيلي يسوي سواتي ماجيت اهايط بس لازم تعرفون مازعزعت بعض السوالف ثباتي لو شلت في قلبي مثل مايشيلون ماكانت الطيبة من ابرز صفاتي يامحمد ابن فطيس وش فيك مشحون ماخطيت يوم اني حسبتك لقاتي ابي اطفي الفتنه وابي انشدك وشلون اسلم من الضيعه واجمع شتاتي الناس معها عقل ولسان وعيون وقدامهم كزيت .. يمك .. .. وصاتي ماجيتك ببيت مع الشعر مدفون جيتك على وضح النقا .. .. ياغناتي ماني من اللي في قفا الناس يحكون عيب على ألحق خويي حصاتي اللي ليا قفيت عنهم.. .. يهدون ماهم بكفو لرجعتي والتفاتي سكرت اذاني عن وكالة يقولون وذكرت لي بيت يفسر سكاتي الله يجيبك من بعيدن اليا دون والله يحطك باللقا من تلاتي |
رد: ديوان الشاعر خلف المشعان
مساء الخير هالمره مساء الخير هالمره بلاش آسف على التأخير مدام الرد بعيونك دموع فكل تأخيره ثقل دم العذر ، والا كسح وجه الخطا تبرير مدامك عارفه طبعي . أجل وشوله الحيره ترى ماجيت لجل اسمع سواليفك عن التقصير أعرف ان الخطا مني (بلاش نعيد هالسيره) انا وانتي بهالدنيا تحملنا بعضنا كثير تعودتي على عنادي ، وصرت آحب هالغيره انا وانتي حكايتنا مثل : صدر السما والطير كثير اللي يطالعها ،، ولحد طالها غيره انا وانتي حكايتنا .. مثل لعبه ، وطفل صغير مع انه دوم يهملها رفض يسمحبها لغيره انا وانتي .. وش اوصفلك ؟ عجز عن وصفنا تعبير! مثل ! مدري ! مثل وشو ! ولكن صعب تصويره انا وانتي بلاش انتي أنا لو بفقدك شيصير ومجرد طاري الفرقا علي ياصعب تأثيره أحبك ؟ ايه أحبك .. ذي بعد يبغالها تفكير يخلف الله على عقل ملكتي كل تفكيره تعالي .. نحترم ( شيبة غلانا ) .. لعنبو التصوير!! تعالي نغتنم فرصة لقانا دامها قصييره ومساء اللي تبي ، حاضر ولاتزعل ( صباح الخير ) أنا كل يوم بتأخر .. اذا في دمعتك خيره |
رد: ديوان الشاعر خلف المشعان
ياكثرهم لا قلت لك عرفة وجيه وياقلهم لا قلت قدر ومعزه رجل تعزه بعد ماتلتقي فيه ورجل قبل ماتلتقي به تعزه ورجل ترزه بالمجالس مباديه ورجل فلوسه بالمجالس ترزه ورجل يموت ولا يجيبون طاريه ورجل يجي طاريه في كل حزه ورجل يهزه بعض موقف ويشقيه ورجل مهوب أيات موقف يهزه ورجل ضعيف ويستفزه معاديه ورجل كلام اعداه مايستفزه ورجل تلزه يعترف لك بخافيه ورجل على خافيه .. محد يلزه ورجل يوزونه ويزعل بني خيه ورجل يزعل من يحاول ، يوزه ورجل تكزه لا زم انك توصيه ورجل بليا ما توصيه كزه من لا فرش للمرجله ماتغطيه ومن لايخز الناس محد يخزه ان كنت تعرفني فهي عرفة وجيه مو شرط لك بالقلب قدر ومعزه للشاعر: خلف المشعان |
رد: ديوان الشاعر خلف المشعان
ارتفع سهم أنقره .. سبة ( لميس).. خلف المشعان إليكم .. رائعة جديدة للمبدع خلف المشعان .. القاها في مسرح المفتاحة .. الجديد .. إهداء لابها .. والخميس اسمحوا لي .. يالوجيه .. الطاهره : واقع الأمه .. مثل ماهو .. تعيس حرب سريه .. وحرب مجاهره : زودو ا سعر ( المدمس ) ( والتميس ) وطاح سوق الشام .. قبل القاهره : وارتفع سهم أنقره .. سبة ( لميس ) أبهرتهم .. بالوصوف .. الباهره : عنز قوم .. طيحوها بالمريس كم عيون ... لهالمسلسل .. ساهره : ( الضياع سنين ) حمل يالتبيس والمسلسل .. باطنه .. في ظاهره : الخسيسه عاشقه يحي الخسيس واصبحت قصة هواهم ... ظاهره : البني .. تضرس على يحيى ضريس وطيرت عقل الشباب .. العاهره : شف .. بدل مانخشع لصوت السديس ننقهر .. لظروف ( نور ) القاهره : واقع الأمه .. مثل ماهو تعيس (.....؟......) .. صارت .. علن ومجاهره |
رد: ديوان الشاعر خلف المشعان
هذه قصيدة الشاعر السعودي خلف مشعان والتي يتكلم فيها عنالمسلسلات التركية المدبلجة... قصيدة فذة يهز بها الشاعر الاعلام... ويقولفيها: الجديد اهداء لأبها والخميس ……. اسمحو لي بالعيون الساهره واقع الامه مثل ماهوتعيس ……. حرب سريه و حرب مجاهره ارتفع سعر المدمس والتميس ……. وطاح سوق الشام قبل القاهره وارتفع سهم انقره سبة لميس ……. ابهرتهم بالوصوف الباهره عنز قوم طيحوهابالمريس …… و المسلسل باطنه في ظاهره الخسيسه عاشقه يحيى الخسيس ……. و اصبحت قصت هواهم ظاهره البني تضرس على يحى ضريس ……. والشباب مجننتهم (.......) شف بدل ما نخشع لصوت السديس ……. ننقهرلظروف نور القاهره واقع الامه يابوخالد تعيس ……. حرب سريه وحرب مجاه &&&&&&&&&&&&&&&&&&&&&&&&&&&&&& ماني معين خير !! تصبح على خير،،،،،،،،،،،،، للنوم ،ماخلقت عيون الذيابه أشوف بعيوني غيوم التعابير،،،،،،،،،، قامت تطشطش بالمعاني سحابه صبت ، وصبت ، ثم هبت أعاصير،،،،،،،،،،،،،،،،،،،،،،، ريح الألم هز القلم للكتابه شي يطير ، وشي ماوده يطير،،،،،،،،،،،،،،،،،،،،،، صار الورق عقب السكينه خرابه حاولت أرمي هالزعل ، وامتلا البير،،،،،،،،،،،،،،، وبعض الزعل أحيان ما ينحكابه حاولت أدور للخطايا معاذير،،،،،،،،،،،،،،،،،،،،،، وكل مافتحت الجرح ... يكبر صوابه لا مانعميت وقلتها : دون تفكير،،،،،،،،،،،،،،،،،،،، الكلمه اللي قلتها .... قلتهابه شخص بعيني غير كل البشر غير،،،،،،،،،،،،،،،،،،، دون الصداقه كان دم وقرابه ماعاد له حشمه ، وقيمه ، وتقدير،،،،،،،،،،،،،،،،،،، من يوم كث بوسط عيني ترابه شيصير يعني ؟؟ لو يقولون شيصير،،،،،،،،،،،،،،،،،،، ماهمني والله ( نبح الكلابه) هي ثقلت على النخل وقفة الطير ؟؟،،،،،،،،،،،،،،،،،،، نفس السؤال الصعب يمكن جوابه شيبان يوم طش سيفه على الزير،،،،،،،،،،،،،،،،،،، بالسيف نفسه سالم الزير جابه ماظن باقي عقب هذي تفاسير،،،،،،،،،،،،،،،،،،،،،،،، يعني قرابه ؟ يل؟؟ أم القرابه &&&&&&&&&&&&&&&&&&&&&& بحكي لكم قصه عن إنسان مسكين....... ربى يتيم وكان رابع خواته أبوه مات ولاتركلمهم شين....... ماغير رحمة ربهم في وصاته عاشوا على شغل أمهمبالفساتين....... ياحسين ود الثوب ياحسين هاته بأول حياته جرب الشين والشين ......... هو فيه زين يجربه في حياته أن راح يلعب عيروه البزا رين ..........وإذا رجع للبيت مو من حلاته يسمع كلام أمه عن الفقر والدين ........ويضيق فيه الكون بأربع جهاته يعني بنت مستقبله دمعةالعين..........ماعاد تفرق عن حياته مماته كبر وصار أكبر حرامي دكاكين ..........يسمع بفقر الذيب ولا غناته لين أمسكوه وصارله أربع سنين......... يدعيلرب البيت بآخر صلاته يارب ياررب تشملني بعفو المساجين.... تفرج عن الي يرتجنه خواته |
رد: ديوان الشاعر خلف المشعان
|
رد: ديوان الشاعر خلف المشعان
|
رد: ديوان الشاعر خلف المشعان
|
رد: ديوان الشاعر خلف المشعان
المدرسه
قالت : هو انت اللي تسولفبك نجــــــود ؟؟ قلت : ايه انا قالت : انا اسمي أمــــــــــيره !! قلت : آمري .. قالت : ترى ريم محمود أهدت قصــــيده لك لابله منيـــــــــــــــــــــــيره تبي تسوي زي ماسوت اخلوووووووووود اللي خذت ( إعجاب ) أبله شهـــــــــــــــيره ومره بعد .... ومره بعد فريال أهدتلها اعهـــــــــــــــود أبيات من شعرك .. وغارت سمـــــــــــــيره عشان ( هذي ) معجبه بهند مســــــــــعود وفريال تطلع أخت هند الصغيــــــــــــــــــــره شربكه !! ومره .. قرت حصه .. قصيده لعانووووووووود وراحـــــــت وودتها لأبله مشـــــــــــــيره وابله مشيره فتشت شنطـــــــــــــــة انجوووود واقعدبها .. شعرك وصل للمديره /// خلف المشعان |
رد: ديوان الشاعر خلف المشعان
خارج نطاق التغطيه!!
خارج نطاق التغطية .. او .. تغطيـه دون النطاق ...... فرق الخروج المنطقي حسب اختلاف المنطقه ماهيب لعبة مفردة .. بين التجـــانس والطباق ....... لا لا ولا هي فلسفة شاعر فراغ وهرطقـه المسأله !! ركز معي .. يمكن ترد ضمن السياق ...... لاتسبق احداث الشطر قبل انطقه لا تنطـقه شيٍ يطاق بهالزمن .. واشيا كثيره ماتطــاق ...... شعر الغزل غير الهزل .. والطق غير الطقطـقه المشكله مو بالطراق ،، المشكله بعد الطراق ......يامحللين المشكله .. بلاش .. كـذب وتريقــه إتي اتحاد ... وتختصر إتي .. بعــد للاتفـاق ...... لكن ولاإتي .. بقت في ظل عصـر التفـرقــه ناخذ طراق ونبتسم .. احلى عرب ..!! واحلى عراق .......واحلى فلسطين ونقط .. لا خر حدود المنطـقه /// خلف المشعان |
رد: ديوان الشاعر خلف المشعان
صدري بلد
خيوه ، أنا صدري بلد .. كله عنوز ... // .. بفياضهم ينبت خضار .. اعتزازي : : من جيل ابن عبار لا جيل ابو روز ..... // .. لا جيلي .. اللي يشهدون ، امتيازي : : قطفت جوز الهند ، مع فزة الجوز ..... // .. وفجرت ،، نبعٍ بالقصيد ، ارتوازي : : ماني من اللي بالمواقيف ، مهزوز ...... // .. حامض على بوز الزمان اهتزازي : : ماادور الفرصه ولا اتعب على الفوز .... // .. كم فرصة ٍ راحت تمنى ، انتهازي : : ما همني / رائع / ومبدع / ومحجوز .. // .. ولااتعـِـب على راي ، الخلايق جهازي : : هالشعر ماجيته ولا جيه ، بالــتوز .... // .. ان ماطلع ..باحساس مالله موازي : : كم ما يجوز.. لـيا شتهينا له ، يجووز .... // .. من باب تشبيه المحال ، بمجازي : : اهل الحفر تطرب على صوت ، فيروز ...... // .. اذا اطربت لبنان ريشة ، عزازي : : ياعويس انا عن سكة الغيـم ، ما جوز ......... // .. رايك على جزل القصايد جوازي : : شعري على خبرك ، ترى مابه رموووز ........ // .. لا تنزعج ، ماراح .. اظلل قزازي (الشاعر ::خلف المشعان) |
رد: ديوان الشاعر خلف المشعان
شكسبير الشعر ماهو فلسفه .. ياشكسبير !! ... مالي ومال صخام .. ( شمس المعارف ) " " الشعر مايحتاج دوخه وتفكير ..!! .. قبلي وقبلك .. عرفوه .. العوارف : فكره .. معاني .. مفرده .. وزن .. تصوير ! .. طارف .. ولا هو لاكثر الناس .. طارف ! " " الشعر اشد من التعب .. والمشاوير ! ... واهون من الوقفه .. بوسط المصارف! " " جايز تقول .. انه غوايه .. وتغرير .. وجايز تقول : انه .. وسيلة تعارف " " بعض القصايد : ( صبصبة عصر بشكير ) !! .. والبعض الاخر .. كنها سيل .. جارف !! " " يصبغ على النيه .. مثل صبغة الجير ... لين البياض .. يصير .. خدشة رفارف " " تدري .. بلاش من الأسا .. والاســـا طير!! ...... ماكرمت وجه .. البلاط .. الزخـــارف " " اسمع كلامي .. وانتبه ياشكسبير ...!! .... الشعر شفته .. يوم شفت المشارف ! " " أصدق من الدهشه .. بعين الجماهير ..!! ... واكذب من الدمعه .. على خــد عارف! /// خلف المشعان |
رد: ديوان الشاعر خلف المشعان
الملعبه
أنا فالملعبه يطري علي ان الرسول يقول : (( دَمُ المسلم على المسلم حرام وعرضه وماله )) : أنا فالملعبه هرجي يمر عقول دون عقول .. عميلٍ مايجاريني ي.. دورله من اشكـاله : الى منه حشم نفسه عن الزله مهو مخـــذول والى من ضاعت علومه تركته يشرب دلاله : أنا ماقول من قدي ؟ ولاني من السما مرسول ولكن من يبي يلعب .. يناظر منهو .. قبـاله : ولد من يعتزى فيه ويحل وينقض المفتــول أنا منهو على درب المراجل .. يسحبه خـاله : أنا منهو عشق لعب القوافي داخل الزهمول وانا من جبر كسور القصيد ... وقام يبراله : أنا من طوّح سيوف النشامى سيفه المصقول الى من قال : ( خلوها ) سرى ياليل مواله : أنا ماحلحلو حيلي ولوهم حاولوني حول .. أحلّ احيَلّ من حاول معايه .. يبلش بحاله : وش المعقول ؟ لاقالو تقول اللي مهو معقول كثر ماقيل ذا قولي .. ولا قبلي ، أحد قاله : قصيده لو عرضتوها على ( صياف ) وشبيقول....؟ اذاهي طافت ( حبيّب ) ولامرت على باله : وانا فالملعبه تطلع علومي والحديث يطوووول ولكن من يبي يلعب معايه يفهق عقاله !!.. :::الشاعر::خلف المشعان:::::::: |
رد: ديوان الشاعر خلف المشعان
يا ست!!
ياست / ست سنين / قضّيتها .. Test ... (( للموهبة )) .. حتى احترفت .. الإثاره شبلٍ .. على شعر الفـراسه .. تفرست ... !! ... (( ذكي )) .. واحلل .. ماوراء العباره لا شفتهم بالـ east عاكستهم west ..!! لكن .. بمنطق .. واعتبرها .. شطاره ....حاسو .. ورى هم .. الصداره .. ولا حست ..!! . جالس بعيد .. وحست .. وضع الصداره غيري يقيسون .. الستاره .. وانا .. قست .. ....أبعد .. مسافه .. عن .. حدود .. الستاره هم همهم .. وصف الغواني .. على البست ....(( عفواً .. هنا .. تضمين واضح .. دعاره )) تعني لهم .. أهلا ً.. وسهلا ً .. وآنســت ......وانا استحي .. لا زور .. (( زايد )) .. زياره ياست .. انا راضي .. يكون اللقب .. Guest روحي ارفعي شكواك .. عند الاداره ...!! /// خلف المشعان |
رد: ديوان الشاعر خلف المشعان
لوْلى .. ولوْ لى
لوْلى .. ولوْ لى ......!! كــم تقولين .. لوْ لى ؟ ... هالحرف ذا .. دايم يعكر صفائي ..!! : : أوْ لى .. بوقـْتـك .. إنـّ انا ../.. فيه .. أوْ لى ... يعني مسائك .. يابعدهن .. مسائي !! : : تدرين .. لا خوْ لى .. ولا ألف .. خـوْ لى ..!! .... تحلم على عهدك ../ .. تفوز بولائي ..!! : : عندي .. سؤال .. وجاوبي .. إيـه أوْ لاْ ..!! .... تحملي .. بالله .. لحــظة .. غباااائي ..!! : : ممكن ..؟؟ ....... يصير ..؟؟ ............. الحب ..؟؟ .................. من غير !! ......................... لوْ لى ؟؟ ..... خوذي نفس ..!! .. قبل الجواب النهائي ..!! /// خلف المشعان /// |
رد: ديوان الشاعر خلف المشعان
احد ضحايا العولمه ياخي ضحايا هالتطور .. كثيرين ........................ // والعم ( نور الدين ) آخر ضحيه : : عشرين عام ونور ماشي علىالدين ........................ // مافي موظف ( بالعليان ) .. زيه : : خلوق ، وحبيّب ، وطيب ومسكين ......................... // ودايم على نفسه يبدي .. خويه : : يمشي حسب ممشى العمل والقوانين ......................... // ومأدّي الواجب .. بنفسٍ رضيه : : ربك بلاه .. وجاب له مدري منين ............................... // بلية ٍ .. ياكبرها .. من بليه : : بدل ( رهيب 2000 ) بالفارس ( 2000 ) .......................... // ويامن شراله من حلاله .. أذيه : : ركب من النغمات .. ( ياليل يا عين ) ................. // ( وعل الهودلك .. يابه .. وعل الهودليه ) : : وكل مااتصل به شخص طنش له شوين ..................... // يعني اسمعـوا .. نغمة جهازي قويه : : فجأه / دخل مديرنا بخاطرٍ شين ....................... // منهو جهازه ؟؟ جاوب ( الزول ) ليّه : : قال اقفله .. لا اكسره فوقك الحين ............................ // وشوي سواله .. ملف وقضيه : : وقع تعهد وانخصم منه يومين ........................... // من دون أدنى .. ذنب والا خطـيه : : ضحكت من قلبي وانا اقول ياشين .............................. // ماقلت لك يانور .. خذ ( فيصليه ) // خلف المشعان// |
رد: ديوان الشاعر خلف المشعان
قصيده مالها داااعي هنا أوضاعي .. / .. هنا أوجاعي. / . وهنا أطماعي فبعض أشياء /_\/_\/_\/_\/_\/_\/_ هنا ـ وكل ماهنا يعني ( قصـــيده ) مالها داعي.! : : : يـ سيدي كل ماحاول أصححها >>> تزيد أخطـــاء x x x !! /_\/_\/_\/_\/_\/_\/_ ولا في بيت تستجري . حــروفه . تكـــسب اقنااعي : : : وش اكتبلك ؟؟ وانا خــايف . بعـد مكتب. من الامضـــاء ..!! /_\/_\/_\/_\/_\/_\/_ تحت ( صدق ) اعترافااااات القصـــيد . بمحضر ابداعي : : : وش اكتبلك ؟؟ وانا عــاجز أحس .. برغـــبة القرااااااااااااااااااااء /_\/_\/_\/_\/_\/_\/_ وش اكتبلك ؟؟ ( واشاعات الخـــليقة ) تلوي ذراااااااااااعي : : : كرهت الشعر .. واتعبني المديح ... وغـــثني الاطـــــراء !! /_\/_\/_\/_\/_\/_\/_ وصلت .. أعلى الهـــرم يمكن ..!! ولكن وينها اتباااااعي ؟ : : : فهــد ــ عايد ــ عـلي ــ زايد .. كثير أسمــاء ....!! /_\/_\/_\/_\/_\/_\/_ هنا كانت مشاعرهـم . تضــج . وتطرب اسماااااااااااااعي : : : هنا .. شاف الولد نفسه ( وشــاعـ ) وعشمووه ( براااااااااااء ) /_\/_\/_\/_\/_\/_\/_ وهنا ( ضاع ) وبدى يكــتب قصايد مالهاااااااا داااعي // خلف المشعان/// |
رد: ديوان الشاعر خلف المشعان
ثرثااااار أنا .. يوم آخـــذ وأعــطي معـك ، قلتي : علي ( ثرثار ) ...\/\/\/\/\/\/.. أجـــل .. وشلووون ؟ لو بوصف شعــوري ، وشتسميني ؟؟ : : : صحــيح اللي حصل ( صدفة ) ولاادري يومهــا ، وشصار ؟ ...\/\/\/\/\/\/\/\/\/.. ولااذكــر ، وشطــلع مني كــــلام .................... ولاتلوميني : : : بدايات الحكــــي ( مـــزح ) ونهــــاياته .. كــــــلا م كبار ...!! ...\/\/\/\/\/\/\/\/\/.. وخــلص كـــل الحكـي .. لكن ! بقيتي ساكنه فـــيني ......!! : : : على همـــسك ، وضحكـــاتك .. بدت تلعبي الافكــــار .........!! ...\/\/\/\/\/\/\/\/.. تولعت ( بدلع صوتك ) وانا ماشافتك ....عــــيني ............!! : : : وانا رغم انها ( صدفه ) ولكن ..!! صرت بك محــــــتار ........!! ...\/\/\/\/\/\/\/\/\/.. أقول : شلووون حبيتك ..؟ ومعـــقوله ...!! تحــــبيني ........!! : //// خلف المشعان//// |
رد: ديوان الشاعر خلف المشعان
زمان المهزله يقولون الخوي : رجلٍ تجيـه بساعـة الشـدات وانا اقول الخوي : رجلٍ الى من ضـاق ماجانـي لانـه خابـرٍ عسـر القوافـي يجبـر الابيـات لذلك يحسـب حسـاب المعانـي يـوم ينخانـي خويٍ مادرى .. يسكت ويفهمها .. على ماجـات وخويٍ لو درى .. يمكن بيلعـن جـد شيطانـي وخويٍ شايف ويدري .. ولاهو مـدور الـزلات وخويٍ مايبي يـدري .. ولاادري ليـه عادانـي ويقولون الزمان اللي تغيـر .. ماهـي العـادات وانا اقول : الزمن هذا .. خـذا ربعـي وخلانـي مـع اللـذات بالدنيـا .. تطبـع حبهـم للـذات تغير كـل مفهـوم الحيـاة ... لجيـب مليانـي زمن يرفع ثمن حتى الكفن مـن كثـرة الامـوات قريباً ... نسمع بموضة ( كفن للموت افغانـي i) عشان ادم غلط يعني ؟؟ نتساهل باكثـر الغلطـات بـدى يخطـي البنـي آدم بحجـة آدم الجـانـي محد يذكر أحد بالخير ... غصب الآدمي .. لامات تشوف الخلق يطرونه ... مع انه مات وحدانـي بعض هالناس .. ماتسمع طلال .. وماتجي حفلات وبعد مامات .. كـلٍ قـال : ياخـي كـان فنانـي اجل لو مات ( ابو لفه) ( عويد) راعي الكسرات تصير الناس تتسمع : ( علام الـواد جافانـي ii) زمان المهزلـه .. قلـي : وشمخبيلنـا عاهـات دخيلك بس لا يطلع .. بعد شارون : ( فدعاني ii) /// خلف المشعان/// |
رد: ديوان الشاعر خلف المشعان
ضعيف الحرف رشيق الحرف / والمعنى العميق / وروعة التصوير ّّّّّّّّّّّ... ربيع الشعر / وشهور الربيع / وريحة أزهاره : قصيدي / ياقصيدي / ياقصيدي / ماتبي تفكير ... شف اللي مانكتب فيه .. وتمهل وانظم افكاره : بلاش تدوّر .. وعندك .. حـــكاية .. عــمنا تيسير ... تراها .. تنفع .. ويمكن تفوز ... وتقطع الشاره : وترى فيها حِكم واجد .. .. ولا يبغالها تفسير ....!! ... .معك واحد خلاص امش وبسيطه تدبر اصفاره : حكاية عمنا ..ركـّـز : ( حقيقه ).. نصفها ... ( تــــزوير )..!! ... ولكن نصفها الآخر .. خطير .. !! وتلسعك ناره : يقولون الرجل هذا ..... فقير ويشتغل .. كاشير ... معاشه كله( 2000 ) ويقاسط دين سياره : وعلى هالحال ذا راضي يحب ايده يقول ابخير ...رضى في قسمته ... واللي كتبه الله .. واختاااره : فهمت الحين مدخلها ... ؟؟ تعال .. اعــَـلِّــمـِـك .. شيصــــــــــــــــــير ..!! ... مع اللي كان كاشير .. وتهمه لقمة صغااااره .. : بعد احداث سبتمبر .. تعلم .... لهجة التنظير ... ونشب في لوح تاريخ العروبه ... راس مسماره : كتب عن صحوة الكذب وكذب واجد وصار كبير ... وبنى من كذبته ( عشرة ابيوت ) .. وعمر عماره : تطاول حيل ... واتعدى الحدود .. بحجة التغيير ... وتحول أول بيوته ....أخير .. وماهي بشاره : ضعيف الحرف .. والمعنى السخيف .. وشاعرٍ سكير ... خريف الشعر واسقاط الشعور وطيحة أشجاره ! /// خلف المشعان/// |
رد: ديوان الشاعر خلف المشعان
داااهيه !!
والله ياخي داهيه يبو حمد ذيك العنود أن صح تعبيري كذا والله ياهي داهيه!! انت تخبرني لابغيت ارقالها ارقى اسنود!! لكن وربي ماقدرت قدام لا الناهيه!! ملعون ابو جد اصلها في وصلها عيت تجود! اجي من اقصى حيرتي واتزيدها متراهيه!! ابحرت لآخر فكرها بس فكرها ماله حدود ياخي وربي تمتلك دقة ذكا متناهيه!! ياخوك ماهي صاحيه تلعب على أفواه الاسود والياحكت يسمعلها نبض القلوب الساهيه!! يلعن سنين الدلعنه وش زينها يومٍٍ تنود!! أروح فدوة طولها ام القوام الباهيه!! فعلا عنود ان قلتلك ياصاحبي فعلا عنود!! وان صح تعبيري كذا والله ياهي داهيه !! /// خلف المشعان/// |
رد: ديوان الشاعر خلف المشعان
(-- 9/شياطين/) نـا د يتهـم للشعـر تسعـة شياااطـيـن وجـونـي يشيـلـون المعـانـي ثـلاثــه القـافـيـه جـتـنـي يجـرونـهـا أثـنـيــن نـوب(ن) هجينـه ونــوب(ن) حـداثـه بقي اربعه تحـت الطلـب مستعـد يـن يـجـون لا مـنـي طلـبـت الاغـــا ثـــه ربع(ن) نشاما كل ابوهم على الدين ارداهــم أثـــرم يعتـبـرهـا ونـــا ثـــه ^ـــــ^ متسلـطـيـن وبالقـصـايـد سـلاطـيــن من غربي جويـف لشرقـي شثاثـه!! ويا راكب(ن) من عندنـا وارد الفيـن جيب(ن) يحرث القار الااسود حراثه مــا كـنـه الا فــرت الـهـام شـاهـيـن مـا يكتـرث لـلـدرب صـعـب أكتـراثـه عليه من عصـم الشـوارب نشيطيـن لــوط الـرجــل متورثـيـنـه وراثـــه ! الذيـب اخــو جـابـر وجـابـر ونـاويـن نـبــي نـحـارب مـــن بــــدا بالـخـبـاثـه ان كانهـا بالشعـر بالشـعـر عذفـيـن ياللـيـد ابـــو تـغـريـد خـــل العـبـاثـه! سكيـن انـا لا يحسـب انـي مسيكـيـن يبـلـش مـعـاي لـحــد يـــوم ابتـعـاثـه تـطــول والله لـيــن تـاصــل ثمـانـيـن احسـب لهـا مـن الفيـن عـام وثلاثـه |
رد: ديوان الشاعر خلف المشعان
لكزس لوحتها : ( ري ي 100 ) . . . . . ( بين العصر والمغرب ) على طريق الميه ... طاحت عيني .. على اللي طاحت عليّه عينه يوم التفتّ بجنبي .. بالمرتبه الخلفيه ...!! ... والاّ .. الغزال الشارد .. مدري من اية طينه شفت اللكزس باللكزس رقم اللوحه ري ي 100 .... قلت بقلبي ياقلبي : ( وينك والحلو وينه ) ضوٍ.. سطع واجهرني .. وقمت اتّقي بيديه .... مدري بياض اللكزس .. مدري بياض يديـنه اشرت له واشّر لي .. يعني فهم عليـه .. !! ...بس البخت ، والزحمه حالو مـابيني وبينه قمت ازوي السوزوكي .. وامشي عليها ميه ..... لين البساتم طقن .. وانفقعت .. الماكينه عيني عليهم راحو .. قبل اصفط الملويه ....واتلى العهد بعيونه ( مخرج وسط المدينه ) راحت ياموسى راحت .. ليتك شفت ( العجيه ) .... ماهي مثل شوفاتك سودا ، وعرجا ، ومتينه صيده .. ولكن طارت .. مالله .. كتبها ليّه ... لو المناوي تنفع .. قلت : اتمنى حضــينه ( يانومةٍ بحضينه ).. تسوى الساحه الشعبيه ... جعل الساحه الشعبيه .. ياخييّ فدوة عينه /// خلف المشعان/// |
رد: ديوان الشاعر خلف المشعان
حامض حلو ريق الغالي قمردين .. حامض حلو يحلولي .... حامض حلو يحلولي .. ( طورتها ).. يحلالي : : : : ( يام الدشداشه النيلي ) .. قولي معايه قولي : .. ويلي علي اللي ولّى .. / .. من ليلنا والتالي : : : : حيل الصبر متهدهد .. .. والاولين اهدولي .... ( عد رجالك وارد الما ) .. وانا وردت لحالي : : : : يوم التفتّ ادوّر منهو بهم ... من حولي ... ؟ ... مال الهشل ( يا ... )..... ماشفت ، غير ظلالي : : : : ياناشدٍ عن حزني .. طولي .. ولا هو .. طولي ... ليته يموت بصدري ../ .. خايف يطول عيالي : : : : درب الأمل متصدع .. / .. حفيت عليه رجولي .... واللي قبل يتبعني .. طال ../ .. وغدى يبرالي : : : : كل مابغيت حمولي .. تنقص .. / .. تزيد حمولي .... وكل ماتميل الدنيا .. / .. لازم يميل .. عقالي : : : : أضحك واشيل عدولي .. قبل تطيح .. عدولي ... لو الزمان يعاند .. / .. عندي بعد .. من حالي : : : : وارجع على يحليله .. والا ّ .. على يحلولي .. ! ... ( مندل يكريم الغربي ) .. / .. ماعيبت ، شمالي /// خلف المشعان/// |
رد: ديوان الشاعر خلف المشعان
ما فيه داعي قـالـوا .. قـصـيدك زيــن .. لـكـنك ابـخـيل ..... مـاقـد كـتـبت بـوصـف خـلـك قـصـيده؟ : قـلـت : اسـمـعوني زيــن .. يـهـل الـتحاليل ... واخـــذوا الـعـلوم .. الـمـوجزات .. الأكـيـده : الــوصـف : مـــن أروع فـنـون الـتـماثيل .... ومــاكـل شــاعـر .. فـالـحـقيقه .. يـجـيده : وانــا لــو أكـتـب .. يـعـلم الله .. بـهالليل .... مــانــي مـخـلـي لـلـقـصايد .. شــريـده : والله .. لـجـيـب مـــن الـمـعـاني تـهـاويل ..... واكــشـف خـفـايـا الـمـفـردات الـعـنـيده : لاشـــك .. مـانـي زي بـعـض الـمـهابيل .... عـمـر ( الـغـني مـابـااااح .. يـوم برصيده!) : مـاصـدتـها .. يــاكـود عـقـب الـبـهاذيل . ..... ولـــو عـلـم الـقـناص .. مـاحـااش صـيـده!! : مــانـي بـعـاجـز .. عــن أدق الـتـفاصيل .. .... لــكـن .. وربـــي ذي عـلـيـكم .. بـعـيده : حـبـيـبتي .. أبــعـد عـلـيكم مــن سـهـيل ..... وعـنـدي أهـم مـــن الـقـصـيد وجــديـده! : نـزهـتها .. عــن قــول : فـي وصـفها قـيل ..... مــافـيـه داعـــي والـفـريـده .. فــريـده!! : يـكـفي أقــول : الـكـدش .. مـاتـلحق الـخيل ..... هـالـشطر .. يـغـني عــن كـتـابة .. قـصيده! /// خلف المشعان /// |
رد: ديوان الشاعر خلف المشعان
-- قطـ ـ ـ ـاة الخـ ـ ـرابة!! . . . عندي وعندك خير .. بس عيـّني خير مالي ...... بعــشـــك ...... ياقطاة الخرابة ماجيت أجرب مخلبي بالعصافيـــر للحــر .... من دون المخالب ....مهابه لا تخدعك ياهيه ...... بعض التفاكير ماكل غيمه .. / .. تحســــــبيها .. سحابة عمر السلف .. مايتبعون المظـــــاهير ..! وعمر الشتيـــمه ... / .. ماتسمــــى دعـــابه وعمر ( الجليلة ) مااشغلت .. ( سالم الزير ) الزير يدري .. / .. بشــــــــي محد ٍ درابه والله لو تدرين وش داخـل البير ......!! ماكان حاولتي ........ بيــوم .. اقترابه ....!! كان الثقافة .. طبلتين .. ومزامير ...!! تفنني بالرقص ... / ... مافي رقـــابه ..!! ( والمبزرة ) كلمة .. لها ألف .. تفســـير ..!! طهــــرت .. نفسي .. / .. من حديث الجنابة !! مير .. اهجدي .. بس اهجدي .. عيني خير مالي بعــــشك .... ياقطـ ـ ـ ـاة الخـ ـ ـرابة! ! |
رد: ديوان الشاعر خلف المشعان
لكل من يؤمن بعقيدة الولاء والبراء
. . . شفت الحديد .. اللي برجلين صدام تاجٍ على راس .. اليهود وعلامه : : تفخر بها امريكا على مر الاعوام شعارها القادم .. بدال الحمامه : : لا والله الا طيحوا .. حظ ، الاسلام ياعونة الله .. ساح دم ، الكرامه : : " ياكبرها ياعبرها " صار الاجرام من مكلبة بوش اليهودي شهامه .. ؟؟ : : اقدام ترفسهم ، وتدعسهم .. اقـدام أمحق سلام .. ان كان هذا سلامه : : ابن العرب .. يـِربط على حلقه خطام والعاهره تاطاه .. عقب ، الزعامه : : بكره بني صهيون .. تنتج بها افلام وحنا نتفرج .. يلعن ام .. الرخامه : : أصـ/ نام .. كلمه حولتنا إلى اْصنام حتى اقتنعنا .. بفعل بوش ونظامه : : وصار الحديد .. اللي برجلين صدام تاجٍ على راس .. اليهود وعلامه . . . /// خلف المشعان/// |
| الساعة الآن 10:26 PM. |
