|
اشهر قصائد قيلت بالقهوة
قصيدة القهوة لابن عون
و التي يقول فيها : يا ريف قلبي للمساييـر قـم شـب=و حط المنارة في طويـل الظلالـي عقب تشق الها لجزل الحطب جـب=و هات النجر و أحضر جداد الدلالي ثلاثٍٍٍٍ الهن راعـي الكيـف يطـرب=و سوطهن ضمّر و الاخـر جلالـي و الرابعة ملقامـةٍ لونهـا أصهـب=حيـث انهـا للنـار دايـم تصالـي و لا جبت كل شروطها اللي تطلـب=اجلس عليهن يـا زعيـم العيالـي و احمس لنا بريـةٍ حبهـا أشهـب=وبهارها هنـدي و ماهـا زلالـي و اعرف تـرا قانونهـا وا يخـرب=و لاندارها ينقـى و ماهـا يكالـي تراه ما يصلـح لهـا كـل مذهـب=و لا تقبل الراضـة ولا الاعتجالـي اليا حمست احرص على حمسةالحب=واعرف ترا الحمسة تبي وسع بالي تأخذ على أدنى الجمر فتـرة تقلـب=لين العرق يطلـع سـواة اللوالـي و من يوم يطلع فالمبرد لهـا كـب=لين الندار ان كـان فيهـا يشالـي و اليا خذت مقـدار للنجـر قـرب=و دنه بصوتٍ يسمعـه كـل غالـي و دنه و خلـه للمساييـر يجـذب=لا قـام صوتـه للنشامـى يلالـي يوحونـه الجيـران لا قـام يقنـب=يجيك الأقصى و القصيـر الموالـي و عقب تـدق البـن لقـم وركـب=لين انها تسمـح مـن الاجتوالـي و قبـل تبهرهاعـن النـار تجـذب=و تركد شويه لين يصفـا الحثالـي و برويد في حدا المباهيـر تسكـب=من عقب غالي الهيل فيهـا يهالـي و اعرف ليا بهرتهـا يـا المشبـب=تراه يكفيهـا مـن النـار صالـي ثم اجذها من يـوم بالهيـل تقلـب=و من يوم تركـد صبهـا للرجالـي حتى يجي الفنجال منها اليـا صـب=بين الشقار و بين لـون الشعالـي اما أشقرٍ رايب مثل بـول الأرنـب=و الا اشعلٍ يشبـه لـدم الغزالـي يطرب لها من كان للكيف يشـرب=كيف النشامى اللي من العيب خالي و اعرف تراها عـادةٍ مـا تسيّـب=ولا ينتقدهـا الا قصيـر الحبـالـي احرص تخلـي عـادة الجـدو الأب=ما هم عليه أول عليه أنـت تالـي تراك مـن كـل المناسـب معـرب=ما بين جـدان و عمـام و خوالـي و أبيك عن منهااجهـم مـا تجنـب=ان كـان فكنّـك بنـات الليـالـي وسلامتكم |
رد: اشهر قصائد قيلت بالقهوة
يقول محمدبن احمد السديري يا بجاد شب النار وادن الدلالي وأحمس لنا يا بجاد ما يقعد الراس ودقه بنجر يا ظريف العيالـي يجذب لنا ربع على اكوار جـلاس وزله الى منه رقد كل سالـي وخله يفوح وقنن الهيـل بقيـاس وصبه ومده يا كريم السبالـي يبعد همومي يوم اشمه بالانفـاس فنجال يغدي ما تصور ببالـي روابع تضرب به أخماس وأسداس |
رد: اشهر قصائد قيلت بالقهوة
دائم ما أسمع بأن فناجيل القهوة التي يشربها الشخص ثلاث: فنجال الضيف و فنجال الكيف و الثالث السيف. و ما زاد عن ذالك فهو مذموم و دليل على سوء نية الشخص. على أي حال لا أعتقد أن الناس الآن يلتزمون بهذا العدد من الفناجيل. و للشيخ الشاعرفواز البيك قصيدة تختص بالقهوة الشمالية: قلط دلالٍ حطهن راعي الكــــــــــــار .... النار مقـفي صلها عــن سنـــــــاها ثلاث صفرٍ كلهن شكل وكبـــــــــــار .. وثلاث صفر صغار عمدي شراها وثلاث مزعل ورثته كنها بكــــــــار ..... هذيلن سمر من حراقٍ غشـاهـــــــا يحمس بمحماسٍ على كيف ما اختـار .... لن تحرق الطبخه ولن تسواهـــــــا ودقها بنجرٍ كل مانيش جضـــــــــار .... يقنب كما ذيب لحقنه ضراهـــــــــا ولقم برسلانٍ* لها الفكر ينـــــــــــــدار .... زود بطبختها وقصر بماهـــــــــــا وبهر بهيلٍ ما خلط فيه مسمــــــــــار .... كرامةٍ للي تكرم لحـــــــــاهــــــــــا وساقه على اليمنى لصلبين الأشـوار ... جمال التخوت الي قليلٍ خـطاهــا *من أفضل أنواع الدلال البغدادية. |
رد: اشهر قصائد قيلت بالقهوة
(سلطان بن عبدالله بن جلعود العنزي) ينادي (فرج) ليوقد النار بجذور الحطب اليابس ليضفي لون اللهب نكهة على مذاق القهوة. و لتبهير القهوة المغليه يوصيه (سلطان) أن يخلط الهيل بالقرنفل الذي يميز قهوة الشمال عن غيرها. الله على الفنجال مع هجعة النــــــــــاس...... بدلال نارٍ مايبطل سنــاهـــــــــــــــا مع حمسة يملا بهــا كل محمـــــــــــاس.. ..ويقلبــه قرم يعـرف استواهــــــــــــا قم يافرج شبّه تر الكبد والـــــــــــــرأس ... العين اشوفه قازيه من خطاهـــــــــا حط الجروم اللي من العام يبـــــــــــاس .... .ليـاما يطوح ضوها مع فضاهــــــــا واحمس على جمـــر ترى ماله اجـناس..... .وكفـّه ليا منه عرقها غشــاهــــــــــا واودع بهاره هيل ورهه بالاجـــــراس ...... ياخالط الفنجال تر هو حلآهـــــــــــا ودقه بنجر يسمعه كل نعـــــــــــــــاس...... ولاتغلق الضبة على من بغاهــــــــــا وصفـه وصبه تر هو الصفى بقيــــاس...... ماهو خطاة الخامل اللي طهاهـــــــا اللي يحطه باوسط النار مرفــــــــــاس ..... لما يطير قبوها مع غماهــــــــــــــــا |
رد: اشهر قصائد قيلت بالقهوة
أبيات "رحيمة" من حامد بن مايقه الحبابي لمن قطع وصل الدلال ... يا عاملين البن وسط التراميس......لا تقطعونه من حشى مرضعــــــاتــه ردوه لأمهات الخشوم المقابيس......صـــفر الــدلال اللـــي عليها حلاتـــه ...... أدام الله رائحة القهوة تزكي مجالسكم الطيبة. |
رد: اشهر قصائد قيلت بالقهوة
قصيدة دغيم الضلماوي الشلاقي الشمري بالكرم وخاصة القهوة ياكليب شب النار ياكليـب شبـه= عليك شبة والحطب لـك يجابـي وعلي أنا ياكليـب هيلـه وحبـه= وعليـك تقليـط الـدلال العذابـي وادغث لها ياكليب من سمر جبـه=وشبة الي منه غفـى كـل هابـي باغـي ليـا شبيتهـا ثـم قـبـة=تجلب لنا ربعـا سـراة غيابـي بنسريـةً ياكليـب صلفـا مهبـ=هلاهب نسناسـه تقـل سـم دابـي سـراة بليـل وناطحيـن مهبـه=متكنفيـن وسوقـهـم بالعقـابـي الوالمـة ياكليـب عجـل بصبـه=والرزق عند اللي ينشى السحابـي صبة لقرمـا صرفتـه ماحسبـه=يوم البخيل مكنهب الوجـة هابـي وصبة لمنعورين ليـا جـاة نبـة=يرخص بعمره والدخل لها ضبابي وعدة عن اللي مايـداري المسبـه=اللـي يـدور بالقصيـر الغيابـي عن الطيب عده نازلا لـه بغبـه=يضرب علي درب الخطا مايهابي لا باطن الهلبـاج خطـوا الجلبـة=يا حلو خبط عصيهـم بالركابـي أطمر لهم وأبدي سـلام المحبـه=لا جو على هجناً يديهـم خرابـي سلام أحلى مـن شخاليـل جبـه=وأحلى من السمن الجديد العرابـي مع كبشً مصـلاح راسـه نجبـه=لا أدبـر الهيـن متيـن العلابـي خطو الولد يـوم الملاقـي نكبـه=يأتي علينا من حسـاب الزهابـي وحتى ايش لو يلبس وبينن وجبـه=معيرة علـى غضيـر الشبابـي أنا لقيـت الصبـر يازيـن غبـه=يرقيك رؤوس مشمرخات الهضابي من لاصبر ياكليب في حكم ربـه=هذاك يوم البعـث مالـه ثوابـي يقولها اللي مـا حسـب المسبـه=ولا عرقل الاجواد ببعض الهلابي هذا هـوى بالـي وهـذا مطبـه=من قبل مايسفح علينـا الترابـي |
رد: اشهر قصائد قيلت بالقهوة
وهذا الشاعر الفارس تركي بن حميد حيث يصف القهوة وصوت النجر. يا ما حلا يا عبيد في وقت الاسحار جر الفراش وشب ضو المناره معدلة تجذا على صالي النار ونجر الى حرك تزايد عياره النجرب طق وجاذب كل مرار مالفه الملفوف من دون جاره في ربعة ماهيب تحجب عن الجار لامن ولد اللاش ما شب ناره |
رد: اشهر قصائد قيلت بالقهوة
* كذلك قول الشاعر: سعد بن حمد بن ضويان في القهوة: ياحسين لاكني على الجمر مجضوع من فقد خلاني وفقدي ربوعي قم سو فنجالٍ ترى الراس مصدوع صفه وزله عن سريب الخموعي فنجال فيه مخموس الكيف مجموع بدلال يشدن الخباس الوقوعي ونجر دلاله ماو بالصوت مفجوع يا زين حسه والخلايق هجوعي وانجاك بالمجلس سنافي وبالوع عده على الطيب وكب البلوعي |
رد: اشهر قصائد قيلت بالقهوة
* يقول محمد العبدالله القاضي عن القهوة والاواني التي تجهز بها القهوة: دنيت لي من غالي البن مالاق بالكف صافيها عن العذق منسوق احمس ثلاث يا نديمي على ساق ريحه على جمر الغضى يفضح السوق واياك والنيه وبالك والاحراق واصحا تصير بحمسة البن مطفوق دقه بنجر يسمعه كل مشتاق راع الهوى يطرب الى دق بخفوق لقم بدله مولع كنها ساق مصبوبة مربوبة تقل غرنوق خله تفوح وراعي الكيف يشتاق الى طفح له جوهر صح له ذوق إلى أن قال: زله على وضحا بها خمسة ارناق هيل ومسمار بالاسباب مسحوق مع زعفران والشمطري إلى انساق والعنبر الغالي على الطاق مطبوق إلى اجتمع هذا وهذا بتيفاق صبه كفيت العوق عن كل مخلوق |
رد: اشهر قصائد قيلت بالقهوة
يقول الامير راكان بن فلاح ال حثلين يامحلا الفنجال مع سيحة البال في مجلساً مافيه نفساً ثقيلـه هذا ولدعمً وهذا ولـد خـال وهذا رفيقـاً مالقينـا مثيلـه |
رد: اشهر قصائد قيلت بالقهوة
* وهذا الشاعر: عبدالله العلي الحرير يرحمه الله: قم سو فنجـال ونظـف أدلالـه=ريحه لراعي الكيف يجلي اعماسه اشعل ولونـه مثـل دم الغزالـه=لاذاقه الراقـد يحـارب انعاسـه في مجلس تدله الى جاء مجالـه=اللي عن اللجات يقصر حساسـه والا ترا بعض المجالس عذالـه=لا معشر طيب ولا فيـه اناسـه |
رد: اشهر قصائد قيلت بالقهوة
* ويقول سليمان المحمد الهزاع بهذه القصيدة: لافي على جمر الغضى سو فنجال=فنجال بن من رخيـص وغالـي حيثك قديم مغربل البـن غربـال=حكيم عند مصاطـرات الدلالـي خله على المطلوب يلفت لنا البال=يفتح لنا المعنـى بمبـدا المقالـي الى انطلق من ثعلب المبهرة مال=يشدي خضاب مخفـرات حيالـي |
رد: اشهر قصائد قيلت بالقهوة
* يقول محمد العبدالله القاضي عن القهوة والاواني التي تجهز بها القهوة: دنيت لي مـن غالـي البـن مـالاق=بالكف صافيها عن العـذق منسـوق احمس ثلاث يا نديمـي علـى سـاق=ريحه على جمر الغضى يفضح السوق وايـاك والنيـه وبالـك والاحـراق=واصحا تصير بحمسة البن مطفـوق دقـه بنجـر يسمعـه كـل مشتـاق=راع الهوى يطرب الـى دق بخفـوق لقـم بدلـه مولـع كنـهـا ســاق=مصبوبـة مربوبـة تقـل غرنـوق خله تفوح وراعـي الكيـف يشتـاق=الى طفح له جوهـر صـح لـه ذوق إلى أن قال: زله على وضحا بها خمسة ارناق=هيل ومسمار بالاسباب مسحـوق مع زعفران والشمطري إلى انساق=والعنبر الغالي على الطاق مطبوق إلى اجتمـع هـذا وهـذا بتيفـاق=صبه كفيت العوق عن كل مخلوق |
رد: اشهر قصائد قيلت بالقهوة
* وهذا الشاعر هايس بن مجلاد يقول وهو يصف الدلة وصوت النجر: قم سو ما يصبغ على الصين ياذياب=بدلال يشـدن البطـاط المحاديـب احمس الى من العـرق فوقهـا ذاب=واستدن ما يجذب عليك الشراريـب نجر يصيح من الطرب تقل بحجاب=يصبر على طول الدهر للمواجيـب |
رد: اشهر قصائد قيلت بالقهوة
وقال حمد ابراهيم العمار: الى ضاق صدري قمت لم الدلالي=شبيت ناره يوم عني الكرى غاب الى اصرهت بالجمر عقب اشتعالي=زليت صافيها على كيف شـراب وقلبت حمستها على شف بالـي=حوش الغنم لين العرق فوقها ذاب ودقيتها من ضيقتـي باعتجالـي=نجره يصيح لراعي الكيف جـذاب |
رد: اشهر قصائد قيلت بالقهوة
* ويقول الشاعر سعد بن قطنان من سبيع في وصف القهوة: جر الفراش لنا وهات الدلالـي=اربع مغاتير على النـار تدنـا ترى حلاة النار دوم اشتعالـي=وسوقة فناجيل عليهم من ادنا فنجال اشقر مثل دم الغزالـي=اليانقص شيء من الكيف زدنا اتعب لها بالسوم لو كان غالي=لو كان سوقه نازح عن بلدنا ياما دفعنابالثمن مـن ريالـي=غير القرى نسهر لهم ما رقدنا |
رد: اشهر قصائد قيلت بالقهوة
* يقول الشاعر: عبدالله بن سبيل الباهلي: ترى حلاة الكيف يا مشرب لـه=لا فارقوك اهل الحسد والنجاسه لا صار شغاله ظريـف بزلـه=وظرف بتقليبه وقيمة قياسـه الى صفا بنه على مـا شغلـه=تلقا على الفنجال ردعة لعاسه خطو الولد توه على شبة لـه=جميع هو مات المراجل براسه يقوم بالمعروف دقـة وجلـه=والله مهيئ له علـى قوباسـه وخطو الولد رجم على غيرحله=لو جازلك مبناه برّق بساسـه |
رد: اشهر قصائد قيلت بالقهوة
* هذه قصيدة للشاعر: شليل بن عواض من بني عمرو من قبيلة حرب يقول: يا سعود قم هات الدلال المهانيف=في ليلة ناخذ سهرهـا قطوعـه إحمس وكيفها ترى طاب لي كيف=واستدن (مزعل) ياشفاتي وصوعه إلى تهيض بالعـوى والزعانيـف=يشدي عوا ذيب شكا حر جوعـه يشدي عواذيبٍ بروس المشاريـف=حادية حـادي والهبايـب تلوعـه حتى يجيب مسيّر البيت والضيـف=مثل العقيد اللي تلافـت جموعـه مخصصٍ الى صار جماعه مواليف=ماركز الشيطان معهـم بكوعـه يا زين سجتهم وزين السواليـف=ما دوّروا واحد بالاخـر طموعـه والى احدث الجهال بعض التخاليف=إستدركوها قبـل تكثـر فزوعـه تلقى لهم سمعة وهيبه وتصريـف=وكلٍ يجي فعله على قـد نوعـه |
رد: اشهر قصائد قيلت بالقهوة
* ونختتم رحلتنا هذه مع هذه الابيات: الكيـف خلـه عنـد مـن يشترونـه=المشكلة اللي جابهـا مـن بلدهـا ياحامسيـن الكـيـف لا تحرقـونـه=حذراء عن الشعلـه تغيـر نقدهـا حـتـى يجـيـك محـمـر كــن لـونـه=مجت جراده ظاهرة من جسدهـا صبه على اللـي ربعتـه يدهلونـه=له ربعـة مـن راح منهـا حمدهـا وعده عن اللي واقف له بشوته=يمسي ويصبح عارف لك عددها مـا غيـر عنـده طايـرات عيـونـه=لا باع شاتـه جـاك حـزة وعدهـا |
رد: اشهر قصائد قيلت بالقهوة
بدر شمال
صح لسآنكـ اخوي ابدعت لك تحياتي ... |
رد: اشهر قصائد قيلت بالقهوة
أبيات غزليه بالشاذليه اجدها اجمل من كثير من بيات الغزل بالانثى .... بدر الشماااال شاكر ذوووقك وروعه طرحك ... تقبل مروووري
|
رد: اشهر قصائد قيلت بالقهوة
ابو حمد شاكر لك جميل المرور والرد لك تحيتي وتقديري |
رد: اشهر قصائد قيلت بالقهوة
عبدالعزيز الجميل والرائع هو ردك وتواجدك البهي لك تحيتي وتقديري |
رد: اشهر قصائد قيلت بالقهوة
يا بجاد شب النار وادن الدلالي
وأحمس لنا يا بجاد ما يقعد الراس تسلم يالبدر ويسلم لنا حضورك الغالي تقبل مروري |
رد: اشهر قصائد قيلت بالقهوة
مسفر الكثيري شاكر لك مرورك وردك لك تحيتي وتقديري |
| الساعة الآن 04:45 AM. |
